Policia e Shtetit ka hartuar dhe nisur planin e masave kombëtare për parandalimin e kultivimit të kanabis sativa, periudhë që përkon me nisjen e sezonit. Sipas burimeve, mësohet se grupet e punës janë informuar me direktivat e megaoperacionit, ku përfshihen efektivë të drejtorive vendore, Forcat e Sigurisë Kombëtare, etj.
Kontrollet do të kryhen në të gjithë territorin e vendit, në veçanti në zonat e konsideruara me riskun më të lartë të kultivimit.
Pjesë e operacionit anti-kanabis nga muaji maj do të jetë edhe Guardia di Finanza me monitorim nga ajri.
