Sektori i hetimit të krimit ekonomik e financiar në Policinë e Fierit vuri në pranga avokatin Niko Bega, 53 vjeç. Ky shtetas, që ushtronte profesionin e avokatit pranë dhomës së avokatisë Fier, akuzohet për veprën penale “Korrupsion aktiv”.
Sipas njoftimit zyrtar të Policisë së Fierit, avokati Bega, duke shfrytëzuar profesionin e tij si avokat, i ka kërkuar një shtetasi të ndikonte te një nxënëse, e cila, sipas policisë, duhet të ndryshonte deklaratat e saj ndaj një tjetër shtetasi, i cili ishte klienti i avokatit Niko Bega.
Nxënësja duhet të ndryshonte deklaratat ndaj mësuesit Agron Bego, që është me masën e sigurimit “Arrest me burg” për veprën penale “Ngacmim Seksual”.
Ndërkohë, për ngjarjen në fjalë, Policia e Fierit ia ka kaluar materialet hetimore Prokurorisë së Posaçme. Ndërkohë, arrestimi i avokatit është bërë pas denoncimit në një emision investigativ.
