Princi saudit takon Bushatin: Mundësi për investime në turizëm
Pas mbërritjes në vendin tonë, Princi saudit AlWaleed bin Talal bin Abdulaziz Al-Saud takimin e parë e ka zhvilluar me Ministrin e Jashtëm Ditmir Bushati. Në një postim në fb, Bushati shkruan se “marrëdhëniet tona me Arabinë Saudite kanë filluar të diversifikohen përtej ndihmës ekonomike dhe humanitare”. Bushati thotë se takimi i sotëm me Princin Al-Waleed, që është dhe Presidenti i Kingdom Holding Company, ishte një mundësi për të biseduar më konkretisht mbi investimet e mundshme në shërbimet turistike, industrinë dhe modernizimin e infrastrukturës.
