Edhe në Kavajë kanë nisur protestat e qytetarëve, këtë herë për çmimin e lartë të karburantit.Të gjithë protestuesit në Kavajë mbajnë veshur jelekët e verdhë.
Protesta e tyre vjen edhe në mbështetje të studentëve, të cilët prej disa ditësh po protestojnë para Ministrisë së Arsimit për plotësimin e kërkesave të tyre.
Protestuesit kanë bllokuar edhe rrugën nacionale Kavajë-Rrogozhinë, duke kërkuar uljen e çmimit të karburantit.
Pas Lezhës dhe Shkodrës, biznesi i vogël bllokon rrugën në Kavajë në shenjë proteste ndaj taksave të larta dhe çmimeve të larta.
Kërkesat e përfaqësuesve të biznesit të vogël dhe të Mesëm, që ndodhen aktualisht në Kavajë, janë 4:
1. Të ndalet projekti korruptiv i zëvendësimit të kasave fiskale
2. Të ulet çmimi i energjisë elektrike me 30%;
3. Të ulet çmimi i karburantit me 300 lekë për litër
4. Të rritet pragu i TVSH-së për Biznesin e Vogel dhe të Mesëm nga 20 mln lekë në vit që është sot në 120 milionë lekë.
Përfaqësuesit e protestuesve të biznesit të vogël dhe të mesëm thonë se 4 pikat janë të panegociueshme.
Mosrealizimi i tyre do të sjellë reagimin e të gjitha bizneseve deri ne bllokim aktiviteti
