Çmimet me të cilat shiten aksesorët dhe pema e vitit të ri kanë pësuar një rritje të ndjeshme në qytetin e Shkodrës. Një gjë të tillë e pohojnë vetë qytetarët të cilët kanë filluar të zbukurojnë më herët banesat e tyre. Ata thonë se në krahasim me vitet e kaluara çmimet janë shumë më të larta.
Pemët festive në dyqane variojnë nga 60 deri në 250 mijë lekë të vjetër. Si shkak i çmimeve të larta shumë qyetetarë kanë vendosur të përdorin dekoret festive të viteve të kaluara pavarësisht dëshirës që kanë për t’i blerë të reja.
