Me rënien e temperaturave, qytetarët shkodranë janë gjendur përballë vështirësisë për të siguruar drurët për zjarr apo për të paguar faturat e energjisë elektrike. Të pyetur nga Star Plus qytetarët tregojnë se kanë zgjedhur kryesisht të përdorin drunjtë e zjarrit, pasi ngrohja me energji elektrike është më e kushtueshme për ta.
Ata kërkojnë që institucionet të marrin masa për kontrollin e subjekteve që tregtojnë drutë e zjarrit.
Ndërkohë, një nga qytetarët tregon se ngrohja me energji elektrike ka qenë zgjidhje për të duke marrë parasysh çmimin e lartë të drunjve të zjarrit për metër kub.
1m3 u drunjve të ajrrit tregtohet duke filluar nga 6 mijë lekë të reja, çmime këto të papërballueshme për shumë nga familjet shkodrane.
