Rama: Gjendja e krijuar nga moti i keq, mësim për qeverinë
Moti i ftohtë që ka pushtuar vendin ditëve të fundit, ka qenë në qendër të komunikimit javor të kryeministrit Rama. Kreu i qeverisë ka deklaruar se kjo situatë në të cilën u gjend vendi pas një periudhe shumë të gjatë, e ka gjetur paksa të papërgatitur qeverinë, por që me shumë punë kanë arritur t’ia dalin mbanë. Mësimet e këtij viti, sipas Ramës do të ndihmojnë në një përgatitje shumë më të plotë të pushtetit vendor. Kryeministri Edi Rama ka zgjedhur të flasë për dhe për epideminë e gripit që detyroi qeverinë të mbyllte shkollat dhe kopshtet. Kryeministri falenderoi punonjësit e OSHEE, policinë dhe pushtetin vendor për punën e bërë gjatë ditëve me borë e temperatura të ulëta. Rama foli gjithashtu edhe për mbylljen e shkollave, të cilat do të hapen nesër. Kreu i qeverisë premtoi se po hartohet një program për investime në shkolla duke pranuar indirekt se mbyllja e tyre u bë jo për shkak të gripit por për shkak të mungesës së ngrohjes në temperatura të ulëta.
