Kryeministri Edi Rama në fjalën e mbajtur sot në Asamblenë Kombëtare të Partisë Socialiste deklaroi se nis një epokë e re, ku “do qeverisim Shqipërinë të vetëm në timon”.
Ai e cilësoi si më të vështirin mandatin që mori nga zgjedhjet e 25 qershorit dhe se bashkudhëtarë të këtij koalicioni të paprovuar kurrë më parë, do të jenë Partia Socialiste me njerëzit e zakonshëm të këtij vendi, “për Shqipërinë që duam”
Sipas tij, urgjenca e ndryshimit mundësoi që PS të udhëheqë si një forcë e vetme Shqipërinë. Në lidhje me marrdhëniet që pritet të ketë me opozitës, Rama garantoi se do të jetë i gatishmëm për dialog, por pa lënë asnjë punë të sotme për nesër.
