Më dyer të mbyllura, kryeministri Rama ka mbledhur këtë të mërkurë Asamblenë e PS, e cila pason pas një tjetër mbledhjeje 10 ditë më parë. Gjatë kësaj mbledhjeje e cila është zhvilluar online, por që kreu i qeverisë ka qenë në selinë rozë, ka deklaruar ndër të tjera se në Vlorë gjendja me anëtarësinë është shqetësuese.
Rama ka thënë se deputetët duhet që të bëjnë një proces real të të dhënave. Ndërkohë, kreu i ekzekutivit ka kërkuar që për barazinë gjinore, të ndërtohet një skemë si ajo e Dibrës. Gjirokastra për Ramën është qarku më problematik sa i takon anëtarëve joaktive.
“Nuk mungojë njerëzit që duan të anëtarësohen në PS. Duhet të hapen dyert”, mësohet të ketë thënë kryeministri.
Ai ka shtuar po ashtu se aktiviteti dixhital është pjesë e punës dhe se duhet të dominojnë mjedisin publik politik në rrjetet sociale.
