Partia Demokratike akuzoi kryeministrin për diskriminim të veriut edhe në paketën e solidaritetit ku parashikohet kompensimi i familjeve të përmbytura.
Në përgjigje kryeministri u përgjigj: se Ata që u përmbytën iu zeruan detyrimet e faturave të energjisë të pashlyera. dhe akuzoi Bashkinë e Shkodrës si inekzistente dhe pa kapacitete.
Helidon Bushati: Nga 2498 familje të përmbytura në të gjithë vendin që do të dëmshpërblehen, nga veriu janë 120 familje, dhe ato janë në Lezhë, zero familje të nënshkrodrës nuk dëmshpërblehen. Ky është qëndrim diskriminues
Edi Rama: Kemi një problem që është bërë kronik me bashkinë e Shkodrës. Eshtë tërësisht inekzistente në raport me problemet e qytetarëve të vet. Eshtë e vetmja bashki në Shqipëri që nuk ka kapacitetin as sa një komunë e humbur e para 2015 për të përgatitur dokumentacion dhe argumentuar atë që ka ndodhur. Sa herë të flitet për bashkinë e shkodrës më mirë thuaj “Zot shpëtoji qytetarët nga bashkia e tyre”
Sot miratimi në tërësi i pr/buxhetit 2017 Seanca e Kuvendit e së enjtes, e parafundit për këtë sesion parlamentar, parashikon diskutimin e disa çështjeve të rëndësishme, ku mes tyre veçohet miratimi nen për nen dhe në tërësi i projektbuxhetit 2017 dhe i paketës fiskale, zgjatja e mandatit të komisionit të posaçëm për reformën zgjedhore, votimi i dy anëtarëve të rinj të Autoritetit të Konkurencës etj. Pika e 10-të e rendit të ditës është shqyrtimi nen për nen dhe në tërësi i pr/ligjit të buxhetit dhe i ligjeve te paketës fiskale që e shoqërojne atë. Tre pikat e para janë ligje që lidhen me identifikimin elektronik, nënshkrimin dhe dokumentin elektronik, ndërsa pritet të ratifikohet dhe marrëveshja e garancisë me BERZH-n për planin e ristrukturimit të Korporatës Elektroenergjetike Shqiptare (KESH). Për votim është parashikuar Kodi Hekurudhor, i mbartur nga seancat parardhëse, miratimi i të cilit kërkon shumicë të cilësuar prej 84 votash. Krahas axhendes zyrtare, debatet ne parlament si zakonisht pritet te fokusohen tek aktualiteti politik ne vend, qe ze dhe pjesen me te madhe te diskutimeve ne séance.
