Kryeministri, Edi Rama, ka përsëritur angazhimin që brenda dhjetorit Thumana dhe Durrësi duhet të pastrohen nga inertet.
“Viti i Ri s’duhet të gjejë asnjë rrënojë dhimbjeje të papastruar në Durrës e Thumanë dhe në vend të tyre, duhet të sjellë edhe disa parqe të kujtesës së kësaj tragjedie” shkruan Rama në facebook.
Aksioni për heqjen e inerteve vazhdon. Një ditë më parë Rama kërkoi angazhimin e të gjitha firmave të ndërtimit që operojnë në vend.
Ndërkohë inertet do të depozitohen në Porto Romano.
