Kryeministri në ikje i Kosovës, Ramush Haradinaj ka marrë një vendim që festa kombëtare e Pavarësisë së Shqipërisë, të shpallet ditë pushimin në Republikën e Kosovës.
Teksa ka publikuar një foto nga vendimi, Haradinaj shkruan se ky vendim është i motivuar nga aspekti historik, tradicional dhe politik.
“Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë pushimi në territorin e Republikës së Kosovës, për t’i respektuar vlerat e traditës kombëtare shqiptare. Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik.”, shkruan Ramush Haradinaj.
