Oborri i shkollës 9 vjeçare “Azem Hajdari” në qytetin e Shkodrës është përfshirë një rikonstruksioni të plotë. Me një investim të Bashkisë Shkodër, në kuadër të sistemimit të oborreve të shkollave që kishin problematikë të mbartur prej vitesh nga sistemi i munguar i kanalizimeve, Ndërmarrje e Objekteve Arsimore ka nisur gjatë ditës së sotme punën në këtë objekt.
Për drejtoreshën e shkollës 9 vjeçare “Azem Hajdari”, kjo ndërhyrje ka qënë e nevojshme dhe e shumë kërkuar jo vetëm nga stafi mësimor por edhe komuniteti i prindërve drejtuar Bashkisë Shkodër dhe Këshillit Bashkiak.
Janë disa oborre shkollash të cilat janë përfshirë në rikonstruksion me qëllim përmirësimin e infrastrukturës për nxënësit dhe mësuesit që frekuentojnë këto godina arsimore. Këto ndërhyrje janë pjesë e një pakete të plotë të investimeve që vijnë nga Bashkia Shkodër për ti shërbyer nxënësve të shkollave të qytetit të Shkodrës.
