Kina të martën, më 3 janar, dënoi kërkesat e reja të testit Covid nga disa shtete për pasagjerët që udhëtojnë jashtë vendit nga territori i saj, duke paralajmëruar se mund të marrë “kundërmasa” në përgjigje.
“Disa vende kanë marrë kufizime të hyrjes që synojnë vetëm udhëtarët kinezë,” tha zëdhënësi i Ministrisë së Jashtme Mao Ning në një konferencë të rregullt.
“Këtij vendimi i mungon baza shkencore dhe disa praktika janë të papranueshme,” thuhet në reagim, duke paralajmëruar se Kina mund të marrë kundërmasa bazuar në parimin e reciprocitetit.
Shtetet e Bashkuara, Kanadaja, Franca dhe Japonia janë ndër një numër vendesh që tani kërkojnë që udhëtarët nga Kina të tregojnë një test negativ Covid përpara mbërritjes, pasi vendi përballet me një rritje të rasteve.
Kryeministrja franceze Elisabeth Borne tha të martën se testet Covid-19 për udhëtarët që mbërrijnë nga Kina do të vazhdojnë pavarësisht protestave nga Pekini. Mes vendeve që kanë marrë të njëjtat masa për udhëtarët kinezë, janë edhe SHBA-të dhe Japonia.
