Briken Calja, i vetmi peshëngritës kuqezi në turneun më të rëndësishëm sportiv të vitit nuk ka arritur dot që të ngjitet në podium duke e mbyllur garën në vendin e 6.
Gjatë garës Briken Calja ngriti 145 kg në shkëputje dhe 181 kg në shtytje. Rezultatet e kaluara të peshëngritësit nga Shtërmeni bënë që ai të ishte pjesë e baterisë finale, ku medaljen e artë e mori kinezi Shi Zhiyong, i cili ngrit në dygarësh 352 kg, medalja e argjendtë i shkoi turkut Daniyar Ismayilov i cili ngriti 351 kg, ndërsa medaljen e bronztë e fitoi peshëngritësi nga Kirguzstani, Izzat Artykov, i cili ngriti 339 kg.
