Rreziku terrorist, 15.000 individë të dyshuar nën vëzhgim
Pavarësisht përpjekjeve të autoriteteve franceze, rreziku i sulmeve terroriste vijon të mbetet në nivelin maksimal”- ka qenë kjo deklarata e kryeministrit të Francës, Manuel Valls, i cili nënvizoi se aktualisht po monitorohen afro 15.000 individë që dyshohet se kanë lidhje me organizatat terroriste ose janë pjesë e tyre. Kryeministri i Francës, Manuel Valls, ka deklaruar se vendi vijon të mbetet i ekspozuar ndaj rrezikut të sulmeve terroriste pavarësisht forcimit të masave të sigurisë. Kreu i ekzekutivit u shpreh se aktualisht autoritetet po monitorojnë nga afër afro 15.000 individë që dyshohet se kanë lidhje ose janë pjesë e organizatave ekstremiste. Megjithatë, ai u shpreh se mënyra e propozuar nga republikani, Nikolas Sarkozy, për të luftuar terrorizmin është një mënyrë mjaft e gabuar. “Aktualisht janë afro 15 mijë perosna në Francë që po monitorohet pasi ne dyshojmë se ata janë në procesin e radikalizimin. Gjithashtu, 1.350 persona po hetohen nën masën e arrestit me bug, ku 293 prej të cilëlve janë direkt të lidhur me organizata terroriste. Në këto rrethana, duhet të pranojmë se jemi të ekspozuar ndaj kërcënimit terrorist. Megjithatë, unë mendoj se zgjidhja e propozuar nga Nikolas Sarkozy është e gabuar. Ajo po propozon diçka të ngjashme me atë që ideoi ish-Presidenti Xhorxh Bush, kur krijoi kampin e paraburgimit të Guantanamos. Politikat e ndjekura prej tij nuk i shpëtuan SHBA-të nga sulmet terroriste” ishin fjalët e Manuel Valls. Kryeministri francez sëbashku me Presidentin François Hollande është kritikuar ashpër për shkak të pamundësisë së autoriteteve për të parandaluar sulmet terroriste. Kjo gjë është pasqyruar edhe në sondazhet e realizuara së fundmi, ku Partia Socialiste ka shënuar rënie të konsiderueshme. Nga ana tjetër, partitë e djathta si republikanët dhe Fronti Nacional po vijnë gjithnjë e në rritje.
