Rruga në Bleran-Bardhaj prej më shumë se 20 vitesh ndodhet në gjendje të rënduar, duke u kthyer në një shqetësim të madh për banorët. Sidomos në ditët me shi, rruga mbulohet nga uji duke e bërë tejet të vështirë lëvizjen për banorët. Ata theksojnë se për shkak të gropave të mbuluara nga uji fëmijët e kanë të vështirë lëvizjen për të shkuar në shkollë.
Ata thonë se situata është përkeqësuar nga viti në vit, ndërsa institucionet përgjegjëse ende nuk kanë marrë asnjë masë për rikonstruksionin e rrugës pavarësisht premtimeve gjatë fushatave elektorale.
Pavarësisht vështirësive të shumta që banorët hasin gjatë lëvizjes deri më tani nuk është marrë asnjë masë nga institucionet përgjegjëse për rikonstruksionin e kësaj rruge në fshatin Bleran-Bardhaj.
