Qeveria ruse ka vendosur një “kufizim të përkohshëm” në eksportin e gazit dhe naftës në një përpjekje për të stabilizuar tregun e brendshëm, deklaron Kremlini. Ndalimi u njoftua dhe hyri në fuqi sot, sipas një dekreti të publikuar në faqen e internetit të qeverisë ruse. Ndalimi nuk shtrihet në eksportet në Bashkimin Ekonomik Euroaziatik, anëtar i të cilit është Rusia, së bashku me Bjellorusinë, Kazakistanin, Kirgistanin dhe Armeninë, as nuk zbatohet për territoret e diskutueshme të Osetisë së Jugut dhe Abkhazisë.
Kufizimi do të bëjë të mundur shtypjen e “eksporteve gri” (deomethënë përmes kanaleve të shpërndarjes të paautorizuara nga Rusia), të ngopur tregun e brendshëm dhe gjithashtu mund të çojë në një ulje shtesë të çmimeve, tha ministria ruse e energjisë për median shtetërore. Çmimet e benzinës dhe të naftës arritën nivelet rekord javën e kaluar, por kanë filluar të stabilizohen pasi disa ministra lanë të kuptohet për veprime drastike në fillim të kësaj jave.
“Pas shpalljes së një kufizimi të përkohshëm të eksporteve, benzina në bursë ra në çmim me 4.0-5.7%, nafta me më shumë se 2%,”, raportoi TASS.
