Ish-kryeministri Sali Berisha ka publikuar një mesazh nga qytetari dixhital, që njofton se Klement Balili, shqiptari më i kërkuar në dy vitet e fundit është vetëdorëzuar.
Sipas Berishës, i cili i referohet mesazhit, Balili është dorëzuar te Prokuroria e Krimeve të Rënda, ndërsa shton se është nisur drejt Tiranës me Rigels Balilin.
“Dorezohet Klement Balili! Qytetari dixhital informon. Pershendetje doktorin vetdorezohet kelment Balili ne prokurorin e krimeve te renda ai esht nisur drejt tiranes me Rigels Balilin” shkruan Berisha.
I cilësuar si ‘Escobari i Ballkanit’ baroni i drogës është i akuzuar për trafik ndërkombëtar të lëndëve narkotike. Policia në harkun e dy viteve ka dështuar që ta prangosë në shumë operacione të zhvilluara në disa qytete në jug të vendit, ndërsa sipas Berishës sot është dorëzuar.
