Situatë emergjente në Selanik nga reshje të shumta e të rrëmbyera.
Brenda pak orësh qyteti është transformuar në një liqen të madh, ujërat e rrëmbyera kanë marrë përpara makina e sende, ndërsa janë rrezikuar shumë jetë njerëzish, mes tyre fëmijë e turistë.
Shiu i furishëm filloi papritur pasditen e djeshme, ndërsa fenomenet e rralla për stinën e pranverës në këtë zonë, vijojnë dhe sot.
Qyteti dhe zona përreth nga dje deri sot në mbrëmje do të kenë ndërprerje uji, sepse u shkaktua defekt serioz, ka ndërprerje të herëpashershme të energjisë elektrike, si dhe janë mbyllur shkollat me urdhër të drejtorisë së Arsimit.
Ndërkaq, meteorologët paralajmërojnë për mot me reshje gjatë gjithë fundjavës.
