Emilano Frroku, vetëm 28-vjeç, ka ndërruar jetë mëngjesin e sotëm, teksa po punonte në një pallat në ndërtim në Shëngjin.
I riu ka rënë nga kati i 9 i objektit që po ndërtohet dhe si pasojë e plagëve të marra nuk ka mundur që të mbijetojë.
Grupi hetimor ka mbërritur në vendin e ngjarjes dhe ka nisur hetimet në lidhje me këtë aksident në punë, ku fatkeqësisht ndërroi jetë një punëtor.
‘Rreth orës 7:30, dyshohet se gjatë punës, ka rënë aksidentalisht nga lartësia e një pallati, shtetasi E. F., i cili si pasojë ka humbur jetën në spital. Grupi hetimor vijon punën për të dokumentuar me prova ligjore rrethanat e rastit.’- njofton policia.
