“Agnesa e Zotit”, një vepër e John Pielmeir është shfaqja e dhënë në teatrin “Migjeni” në Shkodër. Me regjinë e Kiço London, përkthyer nga Artur Lena kjo dramë vë përballë shkencën, fenë, faktin dhe përkushtimin duke ngritur pikëpyetjen se a kryqëzohen këto koncepte? Regjisori Londo thotë se në qendër të shfaqjes është figura e nënës dhe shqetësimi që ngre është mënyra e prindërimit në ditët e sotme.
Një prej tri aktoreve, Eni Jani thotë se mesazhet që përcjell kjo dramë janë sfidat e përditshme të kohëve që jetojmë.
Një mesazh regjisori Londo dha edhe për teatrin “Migjeni” i cili sipas tij duhet që të rishikohet për t’i rikthyer vlerat e vërteta.
Shfaqja “Agnesa e Zotit” flet për vrasjen e një të porsalinduri në një manastir që kërkon ekspertizën e një psikiatre të caktuar nga gjykata, për të përcaktuar gjendjen mendore të murgeshës fillestare, e cila akuzohet për vrasjen. Kur psikiatria përballet me rezistencën e devotshme të Nënës Eprore, ajo ndez dyshimet e mjekut rreth përfshirjes së manastirit dhe ngre pyetje të shumta. Kjo dramë vë në dyshim kuptimet e vërteta të besimit shpirtëror, fuqisë së dashurisë dhe prindërimit. Bashkë me Eni Janin, në këtë shfaqje luajtën edhe aktoret Laura Nezha dhe Vjoleta Trebicka.
