Shfrytëzonte fëmijët për të lypur në të mes të acarit, arrestohet 30-vjeçarI
Edhe pse ditët e fundit Tirana, ashtu si gjithë vendi është përfshirë nga moti i acartë, një 30-vjeçar ka nxjerrë fëmijët e tij për të lypur në rrugë, në temperatura nën o gradë celsius. Për këtë, Shpëtim K. u arrestua pasditen e djeshme. Në rrugën “5 Maji”, në afërsi të tregut ushqimor, ai shfrytëzonte për të lypur fëmijët e tij të mitur: E.K. dhe S.K., 7 e 5 vjeç, bëjnë me dije burime nga policia.
