Reshjet e dendura të shiut mbushën kudo rrugët e qytetit të Shkodrës.Stuhia e shiut bllokoi qytetarët ndërsa një pjesë u detyruan të kalojnë në mes të ujit.
Për 40 minuta thuajse i gjithë qyteti u bllokua për shkak të prezencës së ujit në të gjitha lagjet duke paralizuar kështu lëvizjen e qytetarëve.
E vështirë ishte edhe për mjetet sepse niveli i ujit në rrugët e qytetit erdhi duke u rritur.
Metereologët kishin parashikuar se në Shkodër do të ketë reshje të dendura shiu por shumë qytetarë u gjendën të papërgatitur.
Reshjet e shiut përveç bllokimit të rrugëve nuk kishte probleme të tjera ndërsa edhe Instituti i Gjeoshkencës dhe Ujrave nuk kishte parashikuar një situatë problematike për Shkodrën sa i përmbytjeve. Pasi stuhia 40 minutëshe kaloi situate në rrugët e qytetit u qetësua dhe uji u largua nga rrugët duke lejuar qarkullimin normal.
