Shkatërrohet grupi që klononte kartat bankare. Arrestohen shtatë persona në Prishtinë
Personat jane arrestuar si të dyshuar për ‘hyrje në sistem kompjuterik’ dhe ‘klonim të kartelave bankare’ Policia dhe Prokuroria e Prishtinsë, pas hetimeve intensive të kryera për një kohë të gjatë, lidhur me veprimtarinë kriminale të një grupi, që në vazhdimësi merrej me kryerjen e veprave penale, të hyrjes në sisteme kompjuterike, klonim dhe keqpërdorim të kartelave bankare, ka realizuar me sukses një operacion të gjerë policor. Duke u bazuar në urdhëresën e gjykatës kompetente, me datën 16.03.2016 në rajonin e Prishtinës, Gjilanit dhe Ferizajt, (në shtatë pika), është realizuar operacioni policor, i cili ka rezultuar me arrestimin e shtatë (7) personave të dyshuar. Si vazhdimësi e këtij operacioni policor janë kontrolluar shtëpitë dhe lokalet ku është zhvilluar kjo veprimtari e kundërligjshme. Gjatë këtij operacioni janë arrestuar të dyshuarit: • R. D. lindur me 1998 kosovar/shqiptar • F. XH. lindur me 1996 kosovar/shqiptar • E. A. lindur me 1991 kosovar/shqiptar • SH. J. lindur me 1987 kosovar/shqiptar • SH. J. lindur me 1990 kosovar/shqiptar • O. Z. lindur me 1995 kosovar/shqiptar • V. H. lindur me 1981 kosovar/shqiptar Ndërsa janë sekuestruar si prova materiale: 1 pajisje për klonim të kartelave bankare 27 kartela bankare, dyshohen të falsifikuara 6 kompjuterë 11 telefona celularë 9 lap top 1 IPAD 7 USB 1 DVR 4 armë kalibrash të ndryshme 37 fishekë 4 hard disqe 8220 euro para të gatshme-dyshohet se rrjedhin nga veprat e lartcekura. Personat e dyshuar, në bazë të urdhrit të prokurorit, ndalohen për 48 orë në mbajtje policore, për të vazhduar me procedura të mëtejme gjyqësore.
