Partia Socialiste e Shkodrës ka bërë analizën pas zgjedhjeve vendore të 30 qershorit ku fitues u shpall kandidati i PS Valdrin Pjetri, i vetëm në atë garë. I pranishëm në analizën me dyer të mbyllyra ishte edhe i deleguari në Shkodër Ditmir Bushati i cili argumentoi arsyet e pjesëmarrjes së ulët në zgjedhjet vendore për bashkinë Shkodër
Askush në bashkinë Shkodër nuk duhet të ketë frikë u shpreh Bushati sepse s’do të ketë asnjë hakmarrje sa i përket të punësuarve.
Bushati edhe kësaj here lëshoi kritika për bashkinë Shkodër duke thënë që në 5-6 vitet e fundit nuk e ka administruar qytetin siç duhet.
Bushati deklaroi se në analizë janë diskutuar rezultatet e arritura dhe se çfarë do të bëjë kryetari i ardhshëm i bashkisë Shkodër Valdrin Pjetri.
