Prej 3 muajsh familjes Ramazani që jetojnë prej 15 vitesh në Shkodër i është hequr ndihma ekonomike që ishte e vetmja e ardhur që kishin. Sipas kryefamiljarit Artur Ramazani ndihma ekonomike nuk i është dhënë më me pretendimin se është i punësuar ndërkohë që e vetmja punë që bën është mbledhja e kanaçeve në koshat e mbeturinave për të fituar bukën e gojës.
Që pas heqjes së ndihmës ekonomike familja nuk ka mundur të paguaj qeranë e shtëpisë ku jeton ndaj dhe pronari i ka paralajmëruar që do t’i nxjerrë jashtë.
69 vjeçari i bën thirrje insitucioneve përgjegjëse që t’i rikthejnë ndihmën ekonomike.
Nuk është hera e parë që familja Ramazani përballet me një situatë të tillë ndaj shpresojnë që sërish kjo gjë të zgjidhet. 15 vite më parë kjo familje erdhi nga qyteti i Peqinit dhe u vendosën në Shkodër ndërsa jetojnë mes shumë vështirësive ekonomike.
