Ka nisur këtë të hënë fushata e vaksinimit të studentëve në universitetin e Shkodrës “Luigj Gurakuqi”. Qendrat e vaksinimit janë vendosur pranë Rektoratit dhe në katin e parë të fakultetit të Shkencave të Edukimit. Stafet e Njësisë Vendore të Kujdesit Shëndetësor do të jenë në gatishmëri nga ora 08:00 – 15:30 çdo ditë të javës më këto dy ambjente.
Drejtorja e Njësisë Vendore të Kujdesit Shëndetësor Suida Kuka thotë se qendrat e vaksinimit mund të shtohen në varësi të interesit të studentëve
Vaksinatorja Erjona Qallija këshillon të rinjtë të vaksinohen si e vetmja mënyrë për mbrojtjen e shëndetit.
Për të gjithë studentët që deri tani për arsye të ndryshme nuk janë vaksinuar, qendrat e vaksinimit të vendosura pranë Rektoratit dhe Fakultetit të Shkencave të Edukimit janë të hapura nga ora 08:00 – 15:30. Kujtojmë se të hënën, në fillimin e vitit akademik në auditore do të lejohen vetëm studentët të cilët kanë të paktën një dozë vaksinë të kryer.
