Oratori “Don Bosko” në qytetin e Shkodrës ka organizuar koncertin e koreve, një aktivitet tashmë që zhvillohet çdo vit duke u kthyer në një traditë të bukur.
Arqipeshkëvi i Shkodrës Angelo Massafra dha disa mesazhe për fëmijët dhe të rinjtë e pranishëm gjatë këtij aktiviteti duke i thënë atyre që të jenë të lumtur e të gëzuar dhe larg fenomeneve negative.
Drejtori i oratorit “Don Bosko” në Shkodër don Xhusepe Ruso u shpreh se të festosh Don Boskon do të thotë të festosh rininë.
Koncerti i koreve është edicioni i 11-të që zhvillohet nën moton “Kush këndon lutet dy herë”.
