Parkimet dyshe të automjeteve vijojnë të jenë një problem shqetësues në rrugët e qytetit të Shkodrës. Përgjegjësi i repartit zjarrëfikës Ridvan Bushati shprehet se një situatë e tillë krijon shumë vështirësi për lëvizjen e automjeteve të zjarrëfikses, pasi parkimi I tyre bllokon rrugën.
Ndërkohë mungesa e ndërgjegjësimit të qytetarëve për të mos hapur rrugën vijon të mbetet shqetësim për efektivet e repartit zjarrëfikës.
Përgjegjësi Bushati tregon se ka patur raste që kanë qëndruar me orë të tëra të bllokuar në rrugë duke mos patur mundësi të ndërhyjnë në kohë në rastet e zjarrit.
Institucionet përgjegjëse duhet të ndërhyjnë për të mos lejuar parkimin e automjeteve në rrugë, në mënyrë që të mos krijohen vështirësi për lëvizjen e automjeteve të zjarrëfikses.
