Infrastruktura në rrugën e “Paqes” në lagjen partizani në qytetin e Shkodrës vijon të jetë e dëmtuar prej vitesh. Banorët të cilët kalojnë në atë segment tregojnë mbi vështirësitë që hasin çdo ditë, sidomos fëmijët e vegjel të cilët shkojnë në shkollë.
Banorët shprehen se pavarësisht kërkesave që kanë bërë herë pas herë ndaj institucioneve përgjegjëse për rikonstruksionin e rrugës, deri më tani nuk është marrë asnjë masë për të ndërhyrë.
Rikonstruksioni në rrugën e “Paqes” në qytetin e Shkodrës është i nevojshëm. Gropat e mëdha të cilat mbushen me ujë sa herë bie shi, e bëjnë thuajse të pamundur kalimin për banorët e zonës.
