Në gjykatën e apelit në Shkodër ka nisur seanca për masën sigurisë për ish-deputetin e PD Bardh Spahia si dhe për të arrestuar të tjerë si Çesk Toma, Alfred Nikolli, Gentian Bytyçi, Aleks Ndoj dhe Adi Garuci. Këta shteas bashkë me ish deputetin Bardh Spahia u ndaluan nga policia e Shkodrës dhe e Tiranës për djegien e KZAZ 3 tek shkolla “Shejnaze Juka” në Shkodër e cila më pas u zhvendos tek shkolla “Arben Broci”.
Fillimisht seanca në apel për ish-deputetin Bardh Spahia nisi në orën 9:30 të ditës së sotme por u shty nga trupi gjykues i kryesuar nga Marina Rraboshta për në orën 14:00. Ish deputeti Bardh Spahia nuk ishte i pranishëm në sallën e gjyqit ndërsa avokatët mbrojtës të tij janë Ivi Kaso dhe Ledi Nurja dhe prokur i apelit Brahim Dragjoshi.
Seanca fillimisht u ndërpre pasi gjykata kërkoi të komunikojë me komisariatin e policisë Tiranë për t’i pyetur nëse kanë shkuar për ta shoqëruar ish-deputetin Bardh Spahia nga shtëpia e Tiranë drejt Shkodrës tek gjykata e apelit duke qenë se është me masën e sigurisë “arrest shtëpie” dhënë nga gjykata e shkallës së parë.
Avokatët mbrojtës Ivi Kaso dhe Ledi Nurja u shprehën para gjykatës se ata kanë prokuror nga familjarët e ish deputetit Bardh Spahia dhe vet ëish deputeti ka deklaruar në shkallën e parë për t’u përfaqësuar nga këta dy avokatë. Mbrojtja tha se Bardh Spahia ka informacion lidhur me seancën në gjykatën e apelit në Shkodër por policia e Tiranës nuk ka shkuar për ta shoqëruar dhe në këtë mënyrë nuk është paraqitur. Kështu trupi gjykues ndërpreu seancën për të marrë kontakt me policinë e Tiranës dhe më pas kjo seancë u shty në ora 14:00 të ditës së sotme për t’i lënë kohë policisë së Tiranës për ta pyetur ish-deputetin Bardh Spahia nëse dëshiron apo jo të marrë pjesë në seancën që po zhvillohet në apel.
Pas kësaj séance që tashmë ka nisur pritet të jepet vendimi i gjykatës së apelit për të parë nëse do të lihet në fuqi masa “arrest shtëpie” që ka dhënë shkalla e parë apo do të ketë një masë lehtësuese nga apeli jo vetëm për ish deputetin Spahia por edhe për të arrestuarit e tjerë si Çesk Toma, Alfred Nikolli, Gentian Bytyçi, Aleks Ndoj dhe Adi Garuci. Ndërkohë në seancën që po zhvillohet në apel ishte e pranishme kryetarja e bashkisë Shkodër Voltana Ademi dhe po ashtu ish-deputet të tjerë të PD Shkodër, kryetari i PD Xhevdet Amuli dhe struktura të tjera të Partisë Demokratike të Shkodrës.
