Vitet e fundit sëmundja e kancerit ka një trend në rritje të të prekurve. Në këtë 4 shkurt e cila njihet si dita ndërkombëtare kundër kancerit sipas specialistes së mamografisë në Shkodër Valmira Gjonaj shqetësuese është fakti se ka një shtim të rasteve të atyre më një moshë të re që preken nga kanceri.
Kanceri i gjirit mbetet më problematiku tek gratë dhe vajzat. Specialistja Gjonaj thotë se ndërgjegjësimi gjatë muajve të tjerë të vitit përveç tetorit që njihet si muaji rozë është i ulët ndaj i bën thirrje grave dhe vajzave që të bëjnë eko dhe mamografi rregullisht.
