Studentët e vitit të parë të degës gazetari-komunikim të universitetit të Shkodrës si zëri i të ardhmes kanë paraqitur temat e e përgatitura përpara një jurie me gazetarë por edhe aktor dhe regjisor. Tashmë ky aktivitet i kthyer në një traditë organizohet nga pedagogia Valbona Karakaçi e cila thotë se këta të rinj sollën disa tema të rëndësishme me të cilat përballet sot shoqëria.
Studenti Klodian Pllumi solli temën e Logut të Bjeshkëve që organizohet në Lepushë të Malësisë së Madhe duke kërkuar që të shihet mundësia e futjes në UNESCO.
Shqetësim për studentin e gazetarisë është edhe zbehja e mënyrës organizative të Logut të Bjeshkëve vitet e fundit.
Një tjetër studente e gazetarisë në Shkodër, Klejda Piroviç u prezantua me temën e ankthit të përgjithshëm që kanë sot një pjesë e madhe e njerëzve.
Tetë studentë të gazetarisë të universitetit të Shkodrës paraqitën temat e tyre në këtë fund të semestrit të parë që lidhen kryesisht me fenomenet sociale apo kulturore të cilat janë kthyer në një sfidë që shoqëria shqiptare duhet ti kapërcejë.
