Bashkia e Shkodër ka ndërmarrë një inisiativë për krijimin e nismës “Shkodra N’Fokus”, ku u prezantuan 18 projekte të bashkisë me fokus fushat më prioritare. Në konferencën e partnerëve siç u quajt ky aktivitet, kryetari i bashkisë Shkodër Bardh Spahia u shpreh se vizioni i tij është zhvillimi i Shkodrës përmes këtyre projekteve.
Për hërë të parë në Shkodër, ishte edhe kompania lider e robotikës dhe inovacionit industrial, COMAU, të cilët u bënë pjesë e konferencës së partnerëve për krijimin e laboratorëve për të rinjtë në fushën e inovacionit industrial dhe robotikës.
Pjesë e kësaj konference partnerësh ishin edhe përfaqësues të Ministrive, komuniteti i donatorëve, ambasadat dhe komuniteti i biznesit në Shqipëri duke u njohur me projektet e bashkisë Shkodër të cilat mund t’i financojnë për rrugë të pastra, kujdes për mjedisin, shërbimet publike dhe një sërë projektesh të tjera inovative.