Një aksident ka ndodhur në fshatin Peshtan të Fierit. Një 32-vjeçar, duke drejtuar makinën tip “Fiat” në gjendje të dehur, është përplasur me një mjet tjetër, tip “Land-Rover” që drejtohej nga shtetasi me iniciale S.B, 28 vjeç, banues në Fier.
Diko Hazizaj udhëtonte së bashku me fëmijën e tij 4-vjeç, i cili pas marrjes së ndihmës shëndetësore pranë Spitalit Rajonal Fier është larguar në banesë.
Uniformat blu raportojnë se 32-vjeçari është arrestuar.
Materialet i kaluan Prokurorisë pranë Gjykatës së Shkallës së Parë Fier për veprën penale “Drejtimi i mjetit në mënyrë të parregullt”.
