Shkollat e mesme “Jordan Misja” dhe “Shejnaze Juka” ishin dy shkollat që rrëmbyen çmimin e parë në edicionin e pestë të Festivalit të Teatrit Për të Rinj që u zhvillua prej disa ditësh në Shkodër.
Drejtori I teatrit Arian Çuliqi tha se konkurrenca në këtë festival ishte e fortë ndërsa janë spikatur edhe disa talente që mund të kenë të ardhmen e ndritur në skenën e teatrit “Migjeni”.
Në natën e fundit të festivalit, nxnënësit e shkollës së mesme “Oso Kuka” vunë në skenë shfaqjen “Fëmijët e Rrugës” me regji të aktores Merita Smaja.
