Kryebashkiaku i Kievit, Vitali Klitschko, ka bërë thirrje për evakuimin e banorëve, pas shpërthimeve të fuqishme që ndodhën mëngjesin e sotëm nga forcat ruse në Shevchenkivskiy, qyteti ukrainas në periferi të Kievit.
Deri më tani nuk dihen shkaqet e shpërthimit apo për numrin e mundshëm të viktimave.
“Ekipet e ndihmës së shpejtë dhe ato të shpëtimit kanë dalë në vendin e ngjarjes. Detaje tjera më vonë”, ka thënë Klitschko në Telegram, duke theksuar se “banorët janë duke u shpëtuar dhe evakuuar nga dy ndërtesa”.
Periferia e Kievit është një prej pjesëve më të frekuentuara, “shtëpia” e dhjetëra universiteteve, restoranteve dhe galerive të artit, raporton The Guardian.
Agjencia France Press raporton se shpërthimet kanë ndodhur rreth orës 6:30, gjysmë ore pasi ishin ndezur sirenat që paralajmërojnë sulme ajrore – vend ky që nuk ishte objektiv i bombardimeve ruse prej më shumë se tri javë.
Punonjësit e AFP-së që po qëndrojnë në një kompleks banesor që u godit, thonë se është dëgjuar fillimisht një zhurmë që i parapriu shpërthimeve.
