Ermal Filo do të jetë ambasadori i Shqipërisë në Ukrainë. Presidenti Bajram Begaj dekretoi emërimin e Filos si ambasador të jashtëzakonshëm dhe fuqiplotë të Shqipërisë në Republikën e Ukrainës. Më parë, raportet diplomatike mes Shqipërisë dhe Ukrainës mbuloheshin përmes Ambasadës së Shqipërisë në Poloni, ku ambasadori rezident mbulonte edhe Ukrainën.
Në këtë mënyrë, duket se për herë të parë, Shqipëria do të ketë një seli diplomatike dhe një ambasador rezident në Kiev, kryeqytetin e Ukrainës, që është Ermal Filo, një diplomat karriere.
Po sot Presidenti ka çdekretuar Mimoza Halimin si ambasadore jo redidente në Republikën e Ukrainës. Halimi do të vijojë të mbetet ambasadore e Shqipërisë në Poloni, ku është edhe rezidente.
