Londër, pronares shqiptare i vjedhin lokalin
Pronarja e në kafeneje ka rënë pre e një grabitjeje në Londër. Bëhet fjalë për shqiptaren Valbona Sadiku, pronare e lokalit, e cila ishte duke punuar në kompjuterin e saj, kur hajduti ka hyrë brenda dhe kryen vjedhjen. Mediat e huaja shkruajnë se gjithçka ka ndodhur brenda 10 sekondave, ndërsa shqiptarja Sadiku tha se kjo ishte hera e dytë brenda tri javësh, që grabitësit e shënjestronin. “Është e pabesueshme që këto banda të motoçikletave tani hyjnë në pronat e njerëzve, është e tmerrshme”, tha ajo. Ndërkohë, pronarja i ka bërë thirrje kryebashkiakut të Londrës, Sadiq Khan, që të veprojë për të ndaluar veprimtari të tilla kriminale, që janë në rritje.
