Ministri i Shtetit për Diasporën, Pandeli Majko, u shpreh kritik për burokracinë e institucioneve në lidhje me reagimin ndaj tërheqjes së shqiptarëve që ndodhen në Siri.
I pyetur nga gazetarët, Ministri për Diasporën tha se se Siria është në situatë lufte dhe se shteti nuk mund të mbajë përgjegjësi për rrezikun që mund ti kanoset çdokujt nga shteti që mund të shkojë atje.
Majko: Është mungesë ekesperience, gazetarët kanë cilësi të tjera, diplomatët kanë cilësi të tjera. Sot që flasim Siria është shesh lufte dhe ne mund të mbanim përgjegjësi nesër për dikë që mund të humbiste jetën.
Nuk po them se jeta e një gazetari kushton më pak apo më shumë. Por ndonjëherë burokracitë e institucioneve duhet të mësohen që të jenë po aq fleksibël sa ç’janë gazetarët e guximshëm dhe të mos mbyllen nëpër zyra.
Pak ditë më parë, autoritetet italiane në bashkëpunim me ato shqiptare arritën të lironin nga kampi Al-Hol 11-vjeçarin shqiptar Alvin Berisha i cili ishte izoluar në kamp që prej vitit 2014, por në këtë kamp janë edhe dhjetëra shqiptarë të tjerë.
