Një 20 vjeçar shqiptar është arrestuar nga policia e Roterdamit në Holandë, pasi iu gjetën 160 mijë euro kesh.Shqiptari po udhëtonte përgjatë autostradës Roterdam-Ijsselmonde.
Ai u ndalua në mënyrë të beftë nga policia dhe do të akuzohet për pastrim parash.
Policia e Roterdamit ra rastësisht në gjurmët e shqiptarit gjatë një patrullimi rutinë.
Policia filloi të dyshonte pasi 20 vjeçari shqiptar nisi të kishte një sjellje normale.
Kështu që vendosën ta ndiqnin.
Deri sa u ndal në drejtimin e një makine tip “Audi” në rrugën Roterdam-IJsselmonde.
Gjatë ndjekjes, agjentët kishin parë që 20 vjeçari kishte hyrë në një ndërtesë, dhe disa minuta më pas kishte dalë prej aty, me një çantë shpine, të cilën mezi e zhvendoste.
Menjëherë pas kësaj, ata kishin vendosur ta ndalonin, dhe të ushtronin kontroll ndaj tij. Dyshimi i tyre rezultoi i saktë. Ndërsa kontrolluan makinën, ata gjetën çantën e shpinës bosh. Më pas ushtruan kontroll më të imtësishëm në gjithë makinën, ku gjetën 160,000 euro cash, të cilat ishin fshehur në brendësi të kamios.
Menjëherë autoritetet holandeze, ndaluan 20 vjeçarin shqiptar, gjithashtu sekuestruan makinën dhe sasinë e eurove të gjetura.
Policia holandeze, ka ngritur dyshimin se sasia e parave është përfituar nga aktivitete kriminale, por nuk ka bërë me dije identitetin e shqiptarit.
