Shqiptari me makinë kabriolet trafikon drogë në Greqi
Vazhdon trafiku i drogës drejt Greqisë. Një tjetër shqiptar është arrestuar nga policia e vendit fqinj, pasi u kap pranë qytetit të Artas duke transportuar lëndë narkotike. Sipas mediave greke, policia sekuestroi 14 kg kanabis sativa. Shqiptari po e transportonte drogën me një makinë kabriolet. Kanabisi i ndarë në 4 pako ishte fshehur pikërisht në hapësirën që shërben për pjesën e kabrioles, shkruan Syri.net. Policia greke thotë se 28-vjeçari shqiptar i arrestuar nuk është pronari i makinës. Ky i fundit është shpallur në kërkim. Të arrestuarit iu sekuestruan edhe 85 Euro si dhe dy celularë. Ai akuzohet për trafik droge dhe posedim të lëndëve narkotike.
