Shefja e Epidemiologjisë dhe Sëmundjeve Infektive në ISHP, Silva Bino u paraqit këtë të martë në SPAK dhe dëshmoi për rreth 1 orë. Ende nuk dihen arsyet e thirrjes. Bino nuk ka pranuar të prononcohet për mediat.
Mjekja e njohur ka mbajtur një sërë postesh drejtuese në Ministrinë e Shëndetësisë. Së fundmi, në këtë ministri ka pasur edhe dy arrestime. Në pranga për abuzimet me një tender, ka rënë sekretarja e Përgjithshme e Ministrisë së Shëndetësisë, Joana Duro dhe specialistja Luara Shteto.
Megjithatë, nuk dihet nëse Bino është thirrur për këtë arsye.
