Reagimi i kryebashkiakes Voltana Ademi , lidhur me situaten e krijuar ne Klubin e Futbollit Vllaznia, eshte shoqeruar me doreheqjen e adminstratorit Astrit Gjyrezi.
Permes nje deklarate , Gjyrezi ka bere me dije doreheqjen e tij.
Deklarata e Astrit Gjyrezit
Pas dy vitesh e pak muajsh në krye të Klubit të Futbollit Vllaznia sh.a, kam vendosur te largohem nga posti i administratorit.
Por, para se të largohem, do të mundohem që shkurtimisht të paraqes para jush atë çfarë unë kam bërë gjatë kësaj periudhe në krye të klubit.
Jam emëruar në postin e administratorit të KF Vllaznia sh.a në janar të vitit 2016. E kam gjetur klubin me jo pak probleme financiare por edhe administrative dhe puna e parë që kam bërë, ka qenë strukturimi i ri I klubit.
Besoj se sot në këtë aspekt, KF Vllaznia funksionon shumë herë më mirë sesa ka qenë më parë. Në anën juridike dhe ekonomike kemi zbatuar të gjitha rekomandimet e lëna nga Kontrolli I Lartë I Shtetit.
Padyshim që klubi gjatë gjithë kësaj periudhe është shoqëruar me probleme financiare, kryesisht edhe të viteve të mëparshme, të cilat shpeshherë kanë qenë duke na penalizuar edhe në ecurinë sportive, megjithatë ia kemi dalë t’I suportojmë me sukses në mënyrë që Vllaznia të mos e pësonte me zbritje pikësh.
Në aspektin sportiv, në postin e administratorit jam munduar që gjatë gjithë periudhës së punës time të lejoj autonominë e stafit teknik si specialistë të mirëfilltë të fushës.
Në bashkëpunim me to, jam munduar gjithmonë t’ua plotësoj brenda mundësive që kemi patur, të gjitha kushtet si për merkaton, fazët përgatitore, bazën materiale, grumbullimet, transportin, hotelerinë etj.
Falenderoj cdo tifoz qe na mbeshteti pa kushte ne cdo moment te veshtire qe ekipi ishte.
Gjithashtu uroj sa me shpejte rikthimin e Vllaznisë ne eliten e futbollit shqiptar.
Me respekt,
Astrit Gjyrezi
