Klubi i Skënderbeut me anë të një postimi në rrjetet sociale ka kaluar në kundërsulm ndaj kompanive që sollën dënimin e saj nga UEFA dhe që më pas u konfirmua edhe nga CAS.
Në faqezn zyrtare klubi korçar ka postuar tre linqe lajmesh të cilat flasin për ‘Federbet’ dhe Sportradar’, kompani të cilat punojnë për UEFA-n dhe që së fundmi janë akuzuar për lidhje me mafian.
Postimi i klubit të Skënderbeut.
Si ka mundësi që Skënderbeun duan ta “djegin” këto kompani dhe disa përsona të cilët dyshohen dhe janë nën hetime për lidhje me mafjen?
Nga Sportradar deri tek Presidenti i Federbet i cili ka sulmuar personalisht Skënderbeun…
Ka dhe nga ata që kërkojnë dhomave private prova kundrejt pagesave ilegale…
Drejtësia nuk do të vonojë.
Ndërkohë përbri postimit janë publikuar edhe disa mesazhe në të cilat thuhet:
“Të thash që ne do të fitojmë, por ne duam disa prova më shumë kundër presidentit Takaj. Kur mund të takohemi?
Siguroni prova që mund të na ndihmojnë ta zhdukim atë.
Çfarë? Unë nuk po flasë, ose ju hajdeni dhe ne diskutojmë pagesën për çdo provë ose jo”.
