Një person ka hapur zjarr në selinë e Shërbimit Federal të Sigurisë së Rusisë në qendër të Moskës, duke shkaktuar një të vrarë e disa të plagosur.
Agresori qëlloi me një armë automatike kallashnikov në hollin e ndërtesës, më pas u vra nga policia e armatosur.
Të shtënat erdhën disa orë pas konferencës vjetore për shtyp të Presidentit Putin.
Detajet nuk janë ende të qarta, por sipas disa informacioneve nga mediat në Moskë thanë se tre oficerë janë vrarë.
Në disa pamje të postuara në mediat sociale, dëgjohet zhurma e të shtënave me armë në zonë ndërsa video të tjera treguan burra të armatosur duke ikur nga selia e FSB në Sheshin Lubyanka.
Pesë ambulanca u panë gjithashtu duke u larguar nga vendi i ngjarjes.
Sulmi ndodhi në prag të ditës së shërbimeve të sigurisë, një festë e veçantë për stafin e sigurisë, në Rusi, ku edhe Vladimir Putin po shkonte në takim.
