Katër oficerë raportohen të vdekur pas një sulmi me thikë në selinë e policisë në Paris.
Sulmuesi, i cili raportohet se ishte anëtar i stafit, u qëllua për vdekje, shkruan BBC.
Ai po përpiqej të hynte në ndërtesë kur u ndalua nga ofierët e tjerë. Raportohet se disa persona kanë mbetur të plagosur.Sulmi ndodhi rreth orës lokale 13:00 në oborrin e ndërtesës së policisë, e cila ndodhet afër katedrales së Notre-Dame.
Një stacion metroje pranë selisë së policisë është mbyllur për arsye sigurie, njoftoi autoriteti i transportit të qytetit pas sulmit.
Ministri i Brendshëm i Francës, Christoper Castaner ndodhet në vendin e ngjarjes duke inspektuar vendin e krimit, sipas mediave lokale.
I dyshuari pas sulmit besohet se kishte punuar në selinë e policisë, megjithëse nuk është e qartë se në çfarë pozicioni.
Sulmi vjen një ditë pasi policia franceze hyri në grevë në të gjithë vendin për rritjen e dhunës ndaj oficerëve dhe niveleve të vetëvrasjeve brenda forcave të policisë.
