Tenton të vrasë bashkëshorten policie, arrestohet 54 vjeçari
Policia e Krujës parandalon një krim brenda familjes. Blutë kanë vënë në pranga shtetasin Genci Boja 54 vjeç, banues në Krujë. Sipas policisë, “Boja mesditën e ditës së sotme, për motive të dobëta, ka tentuar të vrasë me armë zajrri tip automatik, bashkëshorten e tij, shtetasen L.B. (Oficere Policie)”. Ndërhyrja në kohë e policisë ka bërë të mundur kapjen dhe arrestimin e tij. Gjatë kontrollit të ushtruar në mjetin furgon tip ‘Benz’ i’u gjet dhe u sekuestrua në cilësinë e provave materiale arma automatic me të cilin donte të kryente krimin dhe 40 fishekë. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Dhunë në familje” dhe” Prodhimi dhe mbajtja pa leje e armëve luftarake dhe e municionit”.
