Samsung ka prezantuar në IFA 2018 në Berlin “The Wall” ose Muri, një ekran revolucionar Micro LED i projektuar për sipërmarrjet dhe ambientet jashtë shtëpisë.
I pajisur me teknologji vetë-emetuese të ekranit dhe një dizajn modular, “The Wall” mund të personalizohet tërësisht duke bërë të mundur që përdoruesit të mund të zgjedhin pa hezituar mënyrën se si të integrojnë ekranin e televizorit në hapësirat e tyre.
Gjithashtu, Samsung prezantoi një model të ri 49” të linjës “The Frame” me elementin shtesë “Easy Discovery”, ku çdo përdorues mund të aksesojë shumë lehtë veprat e artit e krijuara në mënyrë të posaçme, duke i shfaqur ato në ekran pa qenë aspak nevoja të kërkojë në qindra opsione.
Jo vetëm kaq, Dyqani i Artit “The Frame” po zgjerohet dita ditës, me një gamë të gjerë prej më shumë se 850 vepra arti nga disa prej institucioneve më të mirënjohura të artit në botë, duke përfshirë këtu edhe Muzeun Shtetëror të Berlinit, Muzeun Victoria & Albert dhe Muzeun Tate.
